Menntaskólastelpa fremur sjálfsmorð eftir klámmynd

KMSP-TV

Alyssa Funke, dúx í háskólanum í Wisconsin-River Falls framdi sjálfsmorð í síðasta mánuði eftir að hafa orðið fyrir alvarlegu einelti á internetinu í kjölfar þess að hún sjálf ákvað að láta filma sig við að stunda kynlíf með ókunnugum manni.

Alyssa sem var 19 ára gömul kom fram í klámmynd frá vefsíðunni ‚CastingCouch-X‘ sem tekur upp klámmyndbönd sem líta út fyrir að vera eins konar atvinnuviðtöl – en leiða fljótt út í eitthvað allt annað.

Þegar fyrrum skólasystir hennar í menntaskólanum í ‚Oak Park Heights, Minnesota‘ sá myndbandið dreifðist það hratt um samskiptamiðlana Twitter og Facebook og fyrrum skólafélagar hennar fóru að senda henni hrottafull skilaboð á veraldarvefnum.

Myndbandið dreifðist til allra í kringum Alyssu sem fordæmdu hegðun hennar og lögðu hana í grimmt einelti á samfélagsmiðlunum. Síðustu ‚tvít‘ Alyssu Funke virtust gera lítið úr þessum svívirðingum þar sem hún skrifaði meðal annars: “Famouz for dayzzzzz”.

Þann 16.apríl tók Alyssa Funke sitt eigið líf á bryggju skammt frá heimili sínu við Big Carnelia ánna.

Foreldrar Alyssu vildu ekki koma fram í myndbandinu hér að ofan en þau segjast trúa því að eineltið og andlega ofbeldið sem dóttir þeirra hafi orðið fyrir hafi leitt til þess að hún hafi ekki séð fram á að vilja lifa lengur á þessari jörð. Lögreglan segir að andlega ofbeldið á internetinu geti ekki talist sem refsiverður glæpur innan laganna.

Fjölmiðlar hafa tengt mál Alyssu Funke við mikið umfjallað mál annars háskólanema, Belle Knox, sem er nýnemi í ‚Duke University‘ og fjármagnaði skólagöngu sína með því að leika í klámmynd fyrir sama fyrirtæki, CastingCouch-X. Hún hefur fengið mikla athygli og varð í raun ‚fræg‘ fyrir sitt atriði og kom fram í viðtölum í ‚The Rolling Stone‘ og nokkrum sjónvarpsþáttum fyrir vikið.

Alyssa Funke var fædd árið 1995 og var nýnemi á líffræði braut í háskólanum við River Falls. Framleiðendur myndbandsins, TheCastingCouch-X hafa ekki viljað eyða myndbandinu svo Alyssu Funke má enn finna á veraldarvefnum að gera það sem hún vildi óska þess að hún hefði aldrei gert.

Við mælum með því að allir horfi á myndbandið hér að ofan sem fylgir fréttinni.